Thirikari niyambiritie kuthingatia mantu ja magerio ja KCSE gutumurwa mbere ya kagita gakinya na jakaringwa mbica iria ikwenderua aritwa baria bakugerua mwaka juju.Minista wa kithomo Prof. Magoha ariuga nibarikitie kugwata murungamiri umwe wa magerio uria uratumanaira mbica iu na akajukirua itagaria ria ki-watho.

O kagitene kau mwarimu umwe nteere cia Meru nakujirite mbica iu nigutumanirwa naria akuuga naratumiri mbica ya kigerio kimwe mbere ya kagita ka gukithithia gakinya.

Kungi naku mbunge niyuritie thirikari itegeere mantu ja aritwa baria baingiri oome ya County ciao kana ndene ya County iria antu baingi gutonya kana kuuma niuntu bwa ugwati bwa murimo jwa Corona.Jau ni nyuma ya kiuria kiria kiroritue mbungene ni mubunge ya South Imenti Kathuri Murungi.