Ministry ya urimi Kenya nitite na mbere na mutaatara juria ikuthithia jwa kuthikiria uuge bwa arimi ba kauwa iguru ria watho bubweru bwa kurungamiira mantu ja kauwa guku Kenya buria ikwendekithia.

Narua micemanio ithatu ya kwaraniria na arimi iguru ria watho buu ikathithua Kaunti ya Murang’a naria igatongerua ni Minister wa urimi Kenya Peter Munya.

O kagitene kau Munya ariuga nibagutumira micemanio iu kuthomithia arimi uria bakojuriiria Form cia kuromba mbeca iria thirikari ikwaa arimi ba kauwa cia gucokua na baita iri nthiguru.

Mwathi kirira wawe Julius Kimathi M’Amundi nongerete kuuga kingi kiria bakuthithia kiri ugaruruku buria baretete Ministrine iu ni kwathura mbeca cia kuthondeka Factory cia kauwa bwega nkuruki.

Kimathi ariuga nteere cia Meru na nteere ingi cia Mt. Kenya ni imwe cia nteere iria ikagunika anene na mbeca iu.