Itagaria ria thirikari ya Kenya gukoba kiri gikundi kia gukobia manthiguru kia IMF ciringi Billion magana jairi mirongo itano na ithano cia kuroa na murimo jwa Corona nirikujukirua na njira mwanya mwanya.  Akenya bamwe nibambiritie gucaina mitambone iria itumaira uume bwa kiriu baruga ya kuuria IMF ikaa Kenya mukobo juu naria baria barikitie gucaina mwankira oriu bari akui gukinya ngiri magana jairi. 

Nawe mutongeria wa kiama kia ANC Musalia Mudavadi uria ni Minister wa tene wa kigina guku Kenya ariuga kiria kirina bata ni gutigiira mukobo juu jugutumirwa bwega na nijukuriwa na njira itiinyiria Kenya.

uria urari murungamiri wa rwang’i rwa mantu jegie Biashara ngwatanirone ya manthiguru UNCTAD Dr. Mukhisa Kituyo augite kuu ya mikobo iria thirikari irinayo yareka kumenyeerwa ikaura na Kenya.