Kamiti ya mbunge ya abunge iria icunkunaga utumiri mbeca cia thirikari PIC narua nirigiri kuunga mauri uria wari murungamiri munene wa rwang’i rwa kuroa na nkunkumo guku Kenya EACC Halake Waqo.

Jau ni nyuma yawe kugwetanirua na kambuni iria ikwirikana ni imwe ya iria ciatumirwe kwiya mbeca cia kuroa na murimo jwa Corona iria cianenkeri rwang’i rwa KEMSA.

Umwe wa baria bandikithitue ta eene kambuni iu erite kamiti iu Waqo nabatethereerie kugwatithania ciringi Million magana jathatu na mirongo ina na mugwanja iria ciendekanaga kurita ngugi iria KEMSA yabaete ya kumienderia Mask.